Espainiako Txapelketa irabazi ostean lortu du irailean izango den lehiarako txartela
Txuri Berri Cafes Aitona taldea, lortutako garaikurrarekin. (Argazkia: Txuri Berri)
Espainiako Talde Mistoen X. Curling Txapelketan parte hartu berri dute Txuri Berriko bi taldek, eta emaitza ederrak lortu dituzte. Txuri Berri Cafes Aitona txapelduna izan da eta Txuri Berrik brontzezko domina lortu du. Huescan jokatu zuten txapelketa, apirilaren 10etik 12ra, eta Mikel Unanue, Oihane Otaegi, Victor Mirete, Leire Otaegi, Sergio Vez eta Aitana Saenz izan ziren talde txapelduna osatu zuten jokalariak.
Garaipenari esker, Txuri Berri Cafes Aitona Munduko Txapelketan lehiatuko da. Suitzako Berna hirian izango da Munduko Txapelketa, irailean.
ESPAINIAKO TALDE MISTOEN X. CURLING TXAPELKETA
Sailkapena
- Txuri Berri Cafes Aitona
- SVC Iparpolo
- Txuri Berri
- CH Jaca
- Puigcerda Xavi
- Puigcerda Divi
- Harrikada 3
- Harrikada 1
- Sandalo Valladolid
- Harrikada 2