Udazken festa egiten ari dira Igeldon
Asteburua eguzkitsua herrian igarotzen ari dira Igeldotarrak. Izan ere, gaur eta bihar artean, udazken festa ospatzen ari dira. Goizean, auzolana egin dute, guraso elkarteak antolatuta; eta, ondoren, bazkaria egon da bertaratu diren guztientzako. Arratsalde eta gauean, berriz, afaltzeko aukera egongo da, bertso musikatuak eskaintzen dituzten bitartean. Bertan izango dira: Xamoa, Jokin Labaien, Manex Mujika eta Jon Martin bertsolariak, eta Gari Otamendi eta Ixak Arruti musikariak.
Bihar, igandea, ere egun osoko plana izango dute Igeldokoek. 10:30etik 13:30era azoka egongo da, bertako baserrietako produktuekin osatutakoa. 14:00etan, Din Din elkarteak prestatutako herri bazkaria egingo dute kultur etxean, eta herriko aiton-amonak omenduko dituzte. 18:00etan, erromeria eskainiko dute Leire eta Amaia trikitilariek, eta jarraian, Igeldoko talogileek prestatuko dute askaria.