Altzako kiroldegiaren inguruko batzordea sortu dute
Donostiako Udalak Altzako kiroldegiari eta amiantoz kutsatutako lurzoruei buruzko batzorde ez iraunkorra sortu du. Batzordearen helburua da kiroldegiaren lanen ondorioz inguruan aurkitutako amiantoaren presentziaren momentuko informazioa ematea udal taldeei. Gaur goizean batzordeko lehendakari izendatu dute Enrique Ramos Hirigintza zinegotzia, eta lehendakariorde Martin Ibabe Herri Segurtasuneko zinegotzia. Bestalde, Hirigintza, Ingurumena, Kirolak, Herri Segurtasuna eta Babes Zibileko teknikariek informeak eta ondorioak aurkeztuko dituzte.