Sansustene Elkarteko kideek irabazi dute X. Marmitako Txapelketa
Donostia Kulturak antolatutako Aste Nagusiko X. Marmitako Txapelketa jokatu da gaur goizean Gipuzkoa plazan. Irabazleak Joseba Nuñez Miralles eta Asier Castresana (Sansustene Elkartea) izan dira. Bigarren sailkatuak Tomas Nuñez eta José Manuel Irigoyen (Sociedad Ilunpe) eta hirugarren sailkatuak Rosa Garmendia eta Jana Maeso (Nos comemos el Mundo). Guztira 16 bikotek hartu dute parte lehiaketan eta 12 sukaldarik osatu dute epaimahaia, besteak beste: Elena Arzak, Aizpea Oihaneder, Moisés Leranoz, Iñaki Izagirre, Juanjo Mendioroz, Alberto Elorza, Martin Berasategi, María Teixidor, Hilario Arbelaitz, Miguel Ángel Zamorano, Josean Eizmendi eta Xabi Díez.