Hiriko hainbat kale konponduko dituzte aglomeratu kanpainaren bidez
Donostiako Udalak 2018ko aglomeratu kanpaina onartu du, eta datozen asteetan hiriko hainbat kaleetako errepideak konponduko dituzte. Aurrekontua 898.000 eurokoa da eta lanak hamasei astetan egitea aurreikusi du udalak.
Ondorengoak dira konponduko dituzten hiriko kaleak: Ondarretako biribilgunea, Pio Baroja pasealekua, Errondo pasealekua –Podavines eta Katalina Erauso, eta Easo eta Pedro Manuel Collado kaleen artean–, Arbos Musikariaren kalea, Alkolea pasabidea, Aldakonea kalea –Karmengo Ama eta Amatzagaina eta aparkalekuaren artean–, Berio pasealekua –Europa plaza eta Berioko biribilgunearen artean–, Aita Orkoloaga pasealekua –Iturrietan Benten eta Txalin bidearen artean–, Bertsolari Txirrita pasealekua, Aita Donostia plaza, Frantziago pasealekua, Egia kalea eta Jose Maria Salaberria kalea –Podabines eta Pedro Manuel Collado kaleen artean–.