Ekologikoki eragin positiboa duten proiektu berritzaileak aurkeztuko dituzte
Surf-taula ekojasangarrien inguruan jardungo du Angel Gallo irakasle eta ikertzaileak. (Argazkia: Campo Creativo Cero) Donostiako Campo Creativo Cero irabazi asmorik gabeko elkarteak antolaturik, Ekologia Eraberritze Panela egingo dute azaroaren 26an, Ekologia Jardunaldi Sozial eta Politikoen barruan. Ekologikoki eragin positiboa duten proiektu berritzaileen aurkezpena egingo dute, 18:00etan, Donostiako Liburutegi Nagusiko Artxiboaren San Jeronimo aretoan.
Lehenik, Ekonomia Zirkularra, Jasangarritasuna eta Eraldaketa soziala hitzaldia emango du Ainhoa Garayar Finantza-Ekonomia irakasleak. Bigarrenik, Kable supereroaleak: energia elektrikoa eta kimikoa garraiatzeko hibridazioa hitzaldia emango du Gustavo Sarmiento Suprasysen zuzendariak. Ondoren, Balab Factory: Berrikuntza Aplikatuen Laborategia aurkeztuko du Patricia Etxebarria Ruiz gerenteak. Eta amaitzeko, surf-taula ekojasangarrien inguruan jardungo du Angel Gallo irakasle eta ikertzaileak.
