Bikografiak: Bi ibilbide elkarrizketan
Aitziber Garmendia eta Maialen Sorzabal
Iaz martxan jarri genuen “Bikografiak: bi ibilbide elkarrizketan” egitasmoa. Bi parte hartzaileen biografien errepasoa da saioaren ardatza. Bakoitzaren alde publiko/ezagunaz gain, beren bizitzen inguruan solastea da ideia. Biografian hizkuntzekiko harremanak beren bizitzan izan duen bilakaerari arreta berezia eskainiko zaio. Anekdotak, gertaera xelebreak, bizipenak … Elkarrizketa informal hauen bidez, hizkuntzak herritarren bizitza pertsonaletan eta eguneroko bizitzan duten isla jarri nahi dugu agerian.
Urteko lehen solasaldia otsailaren 20an egingo dugu 19:00etatik 20:30era Tobacco Days liburu-dendan (Tabakaleran). Gonbidatuak: Aitziber Garmendia (aktorea) eta Maialen Sorzabal (Barrexerkako kidea eta Puntu Koma telesailaren sortzailea). Gidari lanetan Ion Olano idazlea arituko da.