Birzikletak taldea aurkeztuko dute gaur, 19:00etan, Guardetxean
Artea eta irudimena baliatuz, birziklatutako materialarekin apaingarriak egin dituzte
Bizikleten pneumatikoekin gerriko eta poltsak, esne kutxarekin diru zorroak edota lata txapekin eraztunak eta lepokoak egiten dituzte. Birzikletak taldea osatzen duten lagunei arte eta irudimenik ez zaie falta, hondakinak zaborrera bota beharrean beste erabilera bat ematen dietelako. Egiten duten lana ezagutzera emateko ekitaldia egingo dute gaur, 19:00etan, Guardetxean eta nahi duen guztia gonbidatuta dagoela diote. Birziklapena sustatzea da haien helburua. Elkartearekin gero eta herritar gehiagok bat egitea nahi dute.
