Realeko gizonezkoen taldeak Atletico Madrilen kontra jokatuko du Espainiako Kopako finala, bihar, hilak 18. Bigarren aldia izango da.
Donostiako Udalak egindako kokaleku berrien proposamenak baztertu zituen Donostiako Emakumeen Etxeko batzarrak. Aldiz, EH Bilduk egindako proposamena onetsi zuten; Emakumeen Etxea Arrandegi eraikinean jartzea. Udalak, ordea, ez du posible ikusten.
Dozena bat emakumezko astero elkartzen dira Casares Kultur Etxean, ehoziri lan ikastaroan. Eskulan horri buruz ikasi edo trebatu nahi dutenen topaleku bihurtzen da asteartetan, oinarriaren gainean sorkuntza koloretsu eta berriak ehundu eta elkarren artean partekatzeko.
Plaza Berrian, turista eta turista artean, badago plaka txiki-txiki bat, ezezaguna. Agus Ormazabalen omenezkoa da, Agus Txistulari edo Shagus gisa ere ezaguna. Bere buruaz beste egin zuen, polizia indarkeriak utzitako zauriak sendatu ezin izan ondoren. Edo auskalo, ze arraio.
Donostian euskararen presentziaz, kultur ekosistemaz eta hiriaren eraldaketaz hausnartzeko abagunea ekarri du Hontzaren itxierak. Amets Ibero eta Aiora Enparantza Bagera Euskaltzaleen Elkarteko kideek, Jose Angel Irigarai idazleak eta Beñat Gaztelumendi bertsolariak ikuspegi ezberdinetatik aztertu dute gertatutakoa. Osatu duten irudia ez da soilik liburu denda baten agurra: hiri eredu baten, komunitate baten eta hizkuntza baten erronken isla ere bada.
Gordegia Egiako artxibategi grafikoak hainbat urte daramatza auzoari buruzko irudiak biltzen eta behar bezala dokumentatzen, auzotarrek euren kaleetako historia eskuragarri izan dezaten. Eskuragarri ez ezik, auzoan ikusgai ere jartzen ari dira historia hori.
Euskadi Surfari GKEa 2023an jaio zen, ideia argi batekin: surfa gizarteratzeko tresna gisa erabiltzea. Proiektuaren atzean, itsasoarekin eta aktibismo sozialarekin lotura handia duen familia bat dago. Egunotan, Bigarren Olatua egitasmoa garatzen ari dira.
Ia lau hamarkadaz, Donostiako hainbat gune erabili zituzten frankistek euren hildakoak oroitzeko eta Francisco Franco buru zuen erregimen ankerra goraipatzeko. Horretarako eremu nagusia, hain zuzen ere, egungo Zuloaga plaza izan zen, eta oso bestelakoa zen orduan.
1990ean uretaratu zuten 'Ozentziyo' egurrezko atunontzi tradizionala, eta 2015era arte aritu zen modu tradizionalean hegaluzeak arrantzatzen, tartean, hainbat pasarte bitxi pasatuta. Donostiako kaiko azken atunontzia izan zen, eta Albaolan berritzen ari dira.
Aiete Ikastetxearen eskaintzari jarraipena eman, eta kopuruan hazten ari diren nerabeek Derrigorrezko Bigarren Hezkuntza auzoan bertan ikasteko aukera izatea nahi dute.
Hamar urte dira gaur Juan Carlos Samaniego 'Tximist' prestatzaile fisiko izandakoa hil zela. Maitasun handiz gogoratzen dute harekin lan egindako kirolariek.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutZure babesa behar dugu Donostia den horretan aztertzen eta kontatzen jarraitzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
