Badator Korrika, eta, betiko legez, IRUTXULOKO HITZAk euskararen aldeko lekukoa hartuko du Donostian aurten ere. Erdialdean izango da, iluntzean, eta denak gonbidatuta zaudete gurekin batera korrika egitera.
Martxoaren 23an pasatuko da 23. Korrika Donostiatik. Prestakuntzak lan handia dakarrela, baina emozioz beteriko ekintza dela azaldu du Aitziber Otegik, Donostiako Korrikako koordinatzaileak.
Bederatzi urte pasatu dira Larratxoko Jai Batzordeak Korrikako lekukoa hartu zuen azkeneko alditik. Aurten, ordea, euskararen alde egiteko baliabideak dituztela azaldu du Naiara Crujeiras batzordeko kideak.
Dbus enpresako langileak 22:00ak aldera batuko dira Korrikara martxoaren 23an, Kotxerasko lantoki alboan. 2005eko 14. Korrikan parte hartu zuten lehen aldiz, eta aurtengoa hamargarren aldia izango da beraientzat.
Uztailean izaten den arren, edozein egun baliatzen dute Euskarabenturako kideek elkartu eta eguna elkarrekin pasatzeko. Korrika Donostiatik igarotzen den eguna baliatuko dute «topaketa» horietako bat egiteko eta Korrikaren lekukoa hartzeko; Antiguan hartuko dute.
Aurretik grisa nagusi zen gune bati "bizitasun pixka bat" eman diote Korrikaren mural margoketarekin.