Antiguan argi dute urtea ondo hastea bezain garrantzitsua dela ikasturtea ondo amaitzea, eta jai giroan bada, are hobeto. Horretarako, kultur jardueraz jositako bi asteburu prestatu dituzte. Berritasunak berritasun, dantza, antzerkia, erraldoiak eta jatekoa ez dira faltatuko.
Heriz pasealekuko Koisi ostatuak arazo ugari eragin ditu 2016an ireki zutenetik. Biltegi izan beharko litzatekeen gunea festarako terraza gisa baliatu du ostatuak. Orain, kontrol mozio baten bitartez, eremuaren legezkotasun falta azaleratzea espero dute bizilagunek.
Larunbatean (hilak 27) egingo dute elkarretaratzea, 18:00etan, Antiguako Alfontso XIII.aren plazan.
Merkatariak sinadurak biltzen hasi berri dira Antigua gurutzatzen duen autobusa Matia kaletik pasa dadin, berriz ere.