Lehertu da festa!

Aste Nagusia

Amaitu da atzerako kontua: Abian da Aste Nagusia! Eztanda egin du bai Donostiako Udalak antolatuak bai Donostiako Piratek prestatutakoak ere. Hiriko hamaika txokotan festa giroa zabalduko duten ehunka jarduera aurrera eramango dituzte datozen egunetan, donostiarrek abuztuko aste luze eta berezienaz goza dezaten; eta, ohiko moduan, IRUTXULOKO HITZAk horren berri emango du.

Irutxuloko Hitza
Aste Nagusi Pirata
txupinazopirata

Bagerak eta Jaraneroek eman diote hasiera Aste Nagusi Piratari

Aste Nagusia
Kanoikada

Kanoikada dantzari eta aldarrikatzaileak piztu du festa

ASTE NAGUSIA

«Jaia ikasturteari amaiera emateko eta Aste Nagusiari hasiera emateko modu polita da»

Aste Nagusi Pirata
Matti-1

Matti Bagera izango da: euskararen aldeko aitortza, Aste Nagusi Piratan

Atzera begira

Txurro eta txokolate zaporea du elkartasunaren memoriak

Herri koplatxo batek bizirik mantendu du Marcelino Celigüeta txurro denda. Txoko hura hiriko arrakastatsuena izan zen, baina inbidiak eta 36ko gerrak harekin akabatu zuten. Bere abizena, ordea, euskal sukalde guztietara iritsi da egun, patata frijitu marka ezagun bati esker.
Uraren bidezko bi herriren arteko anaitasun besarkada

Pio XII.a plazako iturria 1966ko San Sebastian egunean jarri zuten martxan. Ura eta argia dituen monumentua hiru hamarkada lehenago herrian beren etxea topatu zuten kataluniarrek esker onez egindako oparia izan zen.
12:00etan jotzen du gerra soinu baketsuak

XIX. mendetik, eguerdiro, sirena hots batek abisatzen du: 12:00ak dira. Gipuzkoa plazatik botatako kanoikada batek egiten zuen lehen, eta Garibai kaleko 24. zenbakiko sirena batek hartu zuen lekukoa, gero.
Zortzi hamarkadako iraganari, agur

Francoren Justizia ministro batek jarri zuen Martuteneko espetxearen lehen harria, eta ordudanik, hamaika istorio ilun gorde ditu bere barnean. Atzean utziko badute ere, bere aztarna mantentzea nahi dute.
Atotxa Munduko Kopatik at utzi zuten EAJk eta HBk

1982koa errepikatuko ote da 2030eko Munduko Futbol Txapelketan? Orduan, Donostian ez zen partida ofizialik jokatu arrazoi logistiko eta politikoengatik. Lau urte barru, Anoeta egoitzetako bat izan daiteke.
Historia gogoratzeko sortua; laster, ahaztua

Hiriaren berreraikitzetik ehun urte igaro zirenean, Alderdi Ederreko lorategian 'Mendeurreneko Monumentua' eraikitzea erabaki zuen herritar batzorde batek. Emaitza, ordea, ez zen donostiarren atseginekoa izan.
Donostiako podabinak: antiguatarrak, langileak eta borrokalariak

Amara Berrin bada kale txiki bat, Podabines izena duena. Egunero handik pasatzen diren herritarrek, segur aski, ez dute jakingo, baina, garai batean, Donostian garrantzi handia eduki zuen lanbide bat izan zen podabinena.
Muskerdun xaboi pastillaren mende luzeko bidaia, Donostia abiapuntu

Lagarto xaboiak jada Donostiarekin loturarik ez badu ere, Antiguan du bere sorburua. Juan Lizariturryk eta Jose Antonio Rezolak auzoan ezarritako La Providencia lantegian ekoitzi zuten hamarkadetan muskerraren irudia duen pastilla berdea.
«Puta bat naiz, bai, baina ez traidorea», Mata Hari (ustezko) espioia Donostian

XX. mende hasierako izar bat izan zen Mata Hari. Bizitza ankerra izan zuen: militar batekin ezkondu, semea galdu eta tratu txarrak jaso zituen. Bere independentzia lortzeko, goi klaseko gizonentzat dantza erotikoak egiten hasi zen; Frantziak espioi izateagatik hil zuen arte.
Historia errepikatu daitekeelako

Realeko gizonezkoen taldeak Atletico Madrilen kontra jokatuko du Espainiako Kopako finala, bihar, hilak 18. Bigarren aldia izango da, 1987an ere elkarren aurka aritu zirelako. Orduan, txuri-urdinek altxatu zuten kopa, penaltietan gailendu ostean. Eta bihar?
«Mundua, ze arraio! Aldatuko dugu eta kito», Agus Txistulari gogoan

Plaza Berrian, turista eta turista artean, badago plaka txiki-txiki bat, ezezaguna. Agus Ormazabalen omenezkoa da, Agus Txistulari edo Shagus gisa ere ezaguna. Bere buruaz beste egin zuen, polizia indarkeriak utzitako zauriak sendatu ezin izan ondoren. Edo auskalo, ze arraio.
Hogei urte Herrerak bere azken baserria galdu zuenetik

Baserri maitatua zen Herreran Peruene, historia luzekoa. Hainbat mendeko historia zuen, eta auzoan zutik iraun zuen azkena izan zen. Gaurko egunez eraitsi zuten, duela hogei urte.
San Telmoko plaza, Donostiako frankisten memoria gune nagusia

Ia lau hamarkadaz, Donostiako hainbat gune erabili zituzten frankistek euren hildakoak oroitzeko eta Francisco Franco buru zuen erregimen ankerra goraipatzeko. Horretarako eremu nagusia, hain zuzen ere, egungo Zuloaga plaza izan zen, eta oso bestelakoa zen orduan.
Bost urte Pepe Rei gabe

Bost urte beteko dira martxoaren 9an Pepe Rei hil zela. Galiziarra sortzez, Donostian egin zuen bere bizitza osoa, kazetaritza konprometituaren eredu erraldoiak. Joan Mari Irigoienen hitzekin oroitu dezakegu: «Ni ez naiz erregezalea, / ez, / baina biba Pepe Rei!».
Donostiako inauteriak: «Zoro festa», bertso eta debekuen historia bat

Tradizio guztien azpian dago ezagutu gabeko historia bat. Pertsona eta elkarte ugariren ekarpen sortzailea. 1813aren erreketak ekarri zuen Donostiako inauteriak ia zerotik hasi behar izatea. Eta errautsetatik sortu zen indar izugarriz oihu bat: «Festara, dantzara!».
Mendeurrenean eraitsiko ote dituzte Loiolako kuartelak?

Otsailaren 22an ehun urte beteko dira Loiolako kuartelak inauguratu zituztenetik. Lau urte behar izan zituzten eraikitzeko, eta 1926an izan zen inaugurazio ekitaldia. Alfonso XIII.a Espainiako erregeak eta haren ama Maria Kristina erreginak parte hartu zuten, besteak beste.
60 urte Jarrairen jaialdi historikotik: «Lehenen eta beti euskaldunak!»

Sei hamarkada bete ziren iragan urtarrilaren 23an Jarrai antzerki taldeak Viktoria Eugenia antzokian euskal musikaren jaialdi historikoa antolatu zuenetik. Frankismo betean, euskal kulturaren berpizkundeak indarra erakutsi zuen Donostian.
Elurrak eta hotzak 'inguru paregabea' eski pista bilakatu zutenekoa

Batzuek nahi baino gutxiagotan gertatu arren, hiria noizean behin elurrak estalita gelditzen da. Ez du luze irauten, gehienetan; baina badira salbuespenak. Gogoratuenetakoa 1985eko urtarrileko elurtea da, hura baliatuta, eski iraupen proba egin baitzuten Kontxa pasealekuan.
Sansebastianak, 2006: upel hotsek ateak zabaldu zituztenekoa

Hogei urte beteko dira aurten, emakumeek danborradako Plaza Berriko ekitaldi ofizialean parte hartu zuten lehen San Sebastian egunetik. Gaztelubide eta Union Artesana izan ziren aurrekariak, eta, gerora, beste batzuek hartu zuten berdintasunaren aldeko erabakia.
Atotxako frantziskotarrek ehun urte bete dituzte, Egia ehuntzen

1926ko maiatzaren 12an inauguratu zuten egun Mandasko Dukearen pasealekua denean San Frantzisko eta Santa Magdalena eliza-komentua. Egia auzoa sortzeko bidean zen eta parrokiaren historiaren eskutik egin zuen, hein handi batean.
Donostia F.C., koroarik gabeko garai txuri-urdina

Izen eta armarri desberdinak izan ditu Realak, 116 urteko historian. Aldaketak aldaketa, egungo izena eta ikurra da ezagunena. Ordea, klubaren izana bestelakoa da. Esaterako, Espainiako II. Errepublikan gertatu zena.
Svastika Donostian, euskal abertzaleen ikur?

Gaur egun, batzuei begiko mina egiten digun arren –beste batzuei ez, bistan da–, XX. mendearen hasieran, naziek erabili zuten svastika mundu osoan zehar zabaldu zen, oparotasunaren ikurraren forman. Euskal Herriko abertzaleek ere erabili zuten, euskaldunon eguzkiaren ikurra zelakoan. Hori bai, nazismoaren aurretik.
Ez larritu, Arkonada gurekin dugu

50 urte bete dira Luis Miguel Arkonada atezain donostiarrak Realarekin debuta egin zuenetik. 1975eko urriaren 22an izan zen, Atotxa zaharrean, Liverpoolen kontra. Txuri-urdinek galdu egin zuten UEFA kopako final-hamaseirenetako joaneko partida hura.
Izarrak Alde, Oteizak Ametzagaina parkerako diseinatu zuen hilerria

1985ean, Polloeko hilerria txiki geratuko zela aurreikusita, Donostiako Udalak lehiaketa abiatu zuen, Ametzagainan hilerria eraikitzeko. Jorge Oteizak «hiria eraldatuko» zuen egitasmoa jarri nahi izan zuen martxan. Jakina denez, ez zen aurrera atera, eta oriotarra, nola ez, gozo jarri zen.
Mamuak, arimak eta itzalak: hiriaren historiako balizko elezaharrak

Historia onartuaz gain, hiri guztietan badira bestelako istorioak, egiaz gertatu diren ebazten zailak. Gau Beltzaren atarian, berresten zailak diren zenbait pasarte berreskuratu ditugu, Donostiako txokoren batean haren lekuko izan direla baieztatzen dutenek esanak.
Santa Katalina zubian lan istripua 1872an, Langileen I. Internazionalak salatua

Kapitalismoaren garapenarekin batera, XIX. mendean, langileen nazioarteko antolakuntza politikoa abiatu zen. Donostian izan zuen ere, noski, bere jarduna. 'El eco de los trabajadores' aldizkariari esker iritsi zaizkigu haren oihartzunak.
Joxemi Zumalabek zer esango luke egungo euskal prentsaz?

Urriaren 14an 75 urte bete ziren kazetari, marrazkilari eta enpresaburu euskaltzale donostiarra jaio zenetik. Euskalgintzako eragile nekaezina izan zen, 1993an 42 urterekin zendu zen arte.
Masoneria Donostian, 1809tik gaur arte iraun duen kate «diskretua»

Ez da hiriko parkerik bisitatuena Loiolako Erriberako Memoriaren Parkea. Espero denaren kontra, ez du oroigarri askorik, baina bada bat deigarria: masoien omenezko monumentu bat. Nor ziren, bada, masoiak eta zer paper izan zuten hirian?
Ehun urte pasatu dira Itsas Jauregiaren lehen harria jarri zutenetik

Gipuzkoako Ozeanografia Elkartea 1914an hasi zen itsas historia, ozeanografia eta akuarioa uztartuko zituen eraikin baten bila. Sei urte geroago, leku aproposena topatu zuten inauguratu berria zen Pasealeku Berriaren bukaerako moilan.
Iraganeko mamua suspertu nahian dabiltza

Memoria hurbila gero eta presenteago dute Realeko zaleek. Duela hemezortzi urte, talde txuri-urdina bigarren mailara jaitsi zen, 40 urte luzeren ondoren. 2006-2007ko denboraldi latz hartan, 15. jardunaldira arte ez zuten partidarik irabazi.
Bette Davis eta Donostia Sariarekin lotutako ustezko sorginkeria

Bette Davis aktore ezagunak Donostia Saria jaso zuen 1989an, 37. Zinemaldian. Aktoreak Donostiako egonaldia luzatu nahi izan bazuen ere, bere egoeragatik Parisera eraman behar izan zuten, eta bertan hil zen, saria jaso eta hamar egunera.
Latxaga, euskara eta baserria

Latxaga apaiza, antropologoa, idazlea eta baserritarra izan zen. Donostiarra, baina mundukoa, baita ere. Euskararen babesle handia izan zen eta, horregatik, hizkuntza ikasten pasatu zuen bizitza osoa. Urteak pasatu zituen besteei laguntzen.
Satrustegi dorrea, galtzeko arrisku egoeran

1883 eta 1885 urteen artean eraiki zuten Satrustegi dorrea, Igeldo mendiaren magalean. Beste hainbat eraikin historiko bezala, galtzeko arriskuan dago hau ere, hotel bat eraiki nahi baitute bertan.
Donostiarren arteko kanporaketa iraganeko kontua da

Kontxako Banderaren araudiak hainbat aldaketa izan ditu bere historia luzean. Esaterako, 1983tik 2007ra bitartean, Donostiako arraun kluben arteko kanporaketa bat jokatzen zen, hirian gizonezkoen traineru bat baino gehiago zegoelako.
Mailu eta igitai ikusezinak, Jazzaldia ez ospatzeko

1975ean, Jazzaldiaren hamargarren edizioa bertan behera geratu zen ia, gobernadore zibilaren ustez, Trinitate plazako dekoratuak Alderdi Komunistaren sinboloak zituelako. Tomas Hernandez diseinatzaileak isun handi bat ordaindu behar izan zuen.
Jacques Marinelli hil da, Donostiako lehen maillot horia

Aurtengo Frantziako Tourra hasi baino bi egun lehenago zendu zen txirrindulari frantziarra, 99 urterekin. Bizirik zegoen maillot hori zaharrena zen, eta lotura historikoa du Donostiarekin.
Martutenek emandako ihesaldi dantzagarrienak 40 urte

Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
Herriaren isildutako kantua pizteko ikurra

Mende erdi baino gehiago darama Remigio Mendibururen 'Erri txistu otza' eskulturak Askatasunaren hiribideko lekuko isil gisa. Artistak garaiko gizarteari kritika moduan sortu zuen, eta zeresana eman bazuen ere, jada paisaiaren parte da.
Iturrino anaiak: Polloeko mausoleoan ehortzitako falangista ezagunak

Ehundik gora dira Polloeko mausoleo frankistan lurperatuta dauden gorpuak. Horien artean, hamazazpi errepublikazale identifikatuta daude, baita frankista ugari ere. Tartean daude hainbat falangista ezagun, besteak beste, Iturrino anaiak.
'Jesusen Bihotza', itxita ez dagoen eztabaida bat

'Jesusen Bihotza' monumentua hiriko ia edozein puntutatik ikusten da. Batzuentzako hiriaren irudi ederra da, beste askorentzat, berriz, frankismoaren ondarea. Eztabaida abiatu berri da Memoria Historikoaren Aholku Batzordean aurkeztutako dokumentuekin.
Ingurumenari oztopoak kentzeko ahalegina

Donostiako Udalak Artikutzako presa partzialki eraistea erabaki du, bertan bizi diren espezieen joan-etorria errazteko. 43 metroko garaierarekin eta 180 metroko luzerarekin, Europan esku hartze bat egingo dioten presa handiena da.
SADE enpresak 100 urte

Ehun urte beteko ditu abenduan Sociedad Anonima Deportes y Espectaculos enpresak. SADE siglen bidez ezagunagoa denak, Donostiako zinema eta antzerki eskaintzarekin lotura historikoa du. Azken urteotan, ordea, hotelen negozioan murgilduta dabiltza.
Patxi Lazkano, Otxoki baserriari kantatu zion bertsolari eta bolaria

Intxaurrondoko Otxoki baserrian jaioa, bolari iaioa eta bertsolari fina zen Patxi Lazkano. Penaz ikusi zuen nola bota zuten bere jaiotetxea, eta bere bertso ezagunenak eskaini zizkion.
Pasealeku Berriko ermita: frankistek eraikia eta Oteizaren obrak ordezkatua

Jorge Oteizaren ‘Eraikuntza hutsa’ eskultura ezaguna dagoen tokian, Karmengo Ama Birjinaren ermita egon zen 80 bat urtez. Frankistek eraiki zuten, ‘Baleares’ ontziko euren hildakoen omenez.
Antonio Agirre, euskal kostaldean luzaroen aritu den portuko pilotua

Ehun urte bete ziren martxoaren 29an Antonio Agirre Uranga 'Xenpelar' (Donostia 1852-1925) portuko pilotua hil zenetik. Ia lau hamarkadaz egin zuen lan eta lagun asko salbatu zituen. Garaian ezaguna eta maitatua izan bazen ere, urteekin ahazten joan ziren.
anarkistak1
Burgosen fusilatu eta lurperatutako anarkista donostiarrak

Esteparren (Burgos, Espainia) bada mendi bat, non frankistek errepublikano asko eta asko fusilatu eta hobi komunetan bota zituzten 36ko gerraren lehenengo hilabeteetan. Hainbat euskal herritarren gorpuzkiak daude han, tartean hiru anarkista donostiarrenak, eta euren istorioak ezezagunak ziren orain arte.

Azken astekariak

Naturak bere lekua hartu du Artikutzako urtegian

2.500 zkia.

36ko gerrak 90 urte: izan zitekeen Donostia

2.499 zkia.

Bilintx: mende eta erdiz, hilezkor

2.498 zkia.

Bentaberriko 510 familien etorkizuna bermatu nahi dute

2.497 zkia.

Zaintza langileen errealitatea

2.496 zkia.

Guardetxea auzoarena da

2.495 zkia.

Jon Aldabaldetreku Delgado

2.494 zkia.

Noren udaberria da euskal zinemaren loraldia?

2.493 zkia.

Ilazki: mende erdi bat euskarari argia ematen

2.492 zkia.

Belaunaldiz belaunaldi, dantzan

2.491 zkia.

Elkarrizketak

Aste Nagusia
etzait

«Sagueseko kontzertua berezia izango da; sorpresaren bat ere egongo da»

Aste Nagusi Pirata
tapia1

«Harrigarria da, baina oraindik ere maiteminduta gaude musikarekin»

Triatloia
maquet

«Oso berezia izan da. Bai triatloiagatik, bai nire momentu pertsonalarengatik»

hamabietan bermuta

«Arteak gaitasuna dauka sotila den hori ukitzeko, ukiezina izan arren»

Martxa_kafetegia__Parte_Za

«Kale honi bizitza gehiago ematea gustatuko litzaidake, bizitza euskalduna»

Alokairu_bizilagunak

«Hemen geratuko gara eta kito. Auzoa gara»

Errugbia
Javier_Balnco__Txuri___err (1)

«Lehentasuna harrobiko jokalariek izango dute»

Magia
Hamabietan_bermuta___Xabie

«Ederra da haurrentzako euskarazko magia egitea; ondo legoke helduentzako ere egin ahal izatea»

Zaintza
Zaintza

«Guztiz ezinbestekoak eta erabat ikusezinak gara»

ekainak 28

«Aliantzak pisu handia hartzen ari diren garai batean gaude»

Erreportajeak

GureTxokoak Xumar

Hizkuntza ere, kontsumo irizpide

AmaikakBat_PlazaBerria

«Ilusio handiz konpartitzen dugun eguna da»

KAS
Kaleko_afari_solidarioak

KAS: elkartasun uholde bat, askotan seinalatua

Memoria
josu

Josu Zabalaren hilketa, 'El Desencanto' filma eta iskanbila Zinemaldian

Artikutza
Artikutza___Urtegiaren_bir (1)

Artikutzako urtegia: lokaztitik basora, zazpi urtetan

Musika
musika1

Dastaketa bat, gutiziena

Egiako Nazioarteko Eskubaloi Txapelketa 2026

Egia nazioarteko eskubaloiaren erreferente bihurtuko da berriro

Loiolako jaiak 2026

Urdintzuko zubira itzuliko da kukaña Loiolako jaietan

Sozialistak

Espainiako selekzioak udal gobernuaren arrakala ideologikoa irudikatu du

Memoria
pertur1

Pertur, 50 urtez desagerrarazia

 

Lankidetzak

11BARRI
hitza