Elkartasun gune bihurtu dute Bulebarra

Eskubide zibil eta politikoen defentsan “asteburu laranja” antolatu du Libre mugimenduak.

Lide Ferreira

2015/11/14

Herritar batzuk, murala osatzen. (Argazkia: Lide Ferreira)

Asko dira epaiketa ezberdinetan auzipeturik dauden euskal herritarrak, tartean hainbat donostiar ere bai, eta haiei elkartasuna adierazteko hainbat jarduera antolatu dituzte. Eskubide zibil eta politikoen defentsan “asteburu laranja” antolatu du Libre mugimenduak. Gaur eskuorriak banatu dituzte auzipetuak edo herriko tabernak dituzten auzo guztietan. Dokumental proiekzioak eta muralak ere egin dituzte. Adibidez, arratsaldean, Bulebarra laranjaz tindatu dute, elkartasun gune bihurtuz. Hala, hiru mural egin dituzten herritarren artean: kultura libre, politika libre eta herritarra libre izenburuak zituztenak. Herritarrek euren konpromisoa erakusten zuten bitartean, Olatz Salvador musikariak girotu du Bulebarra, eta bertaratu direnek pintxo batzuk jateko aukera ere izan dute. Ekitaldi nagusian Nuria Alzugarai auzipetu donostiarrak hitz egin du. Bihar, igandean, Bukowski tabernan ELEAK mugimenduak desobedientziaren inguruan prestaturiko dokumentala eskainiko dute arratsaldean, eta ondoren eztabaida saio bat egingo dute.

Azken bideoak