Etxerat Lagun kanpaina aurkeztu dute
Elkartea ekonomikoki kinka larrian dago, eta herritarren laguntza ezinbestekoa dute euren jarduna ziurtatzeko.
Agerraldia Donostiako Kafe Antzokian egin dute, Antiguan. (Argazkia: Etxerat elkartea)
Nola lagundu
Azaldu dutenez, Etxerat Lagun Etxerat-ekiko elkartasun sentimenduak dituzten norbanako eta eragileak bilduko dituen ekimena da. Elkartea lagundu nahi duen edonor izango da Etxerat Lagun. Era asko daude laguntzeko: ekarpen ekonomiko batekin, baliabide edo ezagutzen bitartez, ekimenetan lagunduz… Oraingoz, Etxerat-en jarduna ziurtatzeko, helburu nagusia dirua batzea da, kuotakideak lortuz, eta horretara zuzentzen ari dira euren kanpaina. Nahi duen orok hainbat bide ditu Etxerat-ekin ekonomikoki kolaboratzeko. Eskuorria on-line betez, berau inprimatu eta posta arruntaz bidaliz, edota etxeratlagun@etxerat.info posta elektronikoan zein 646 02 88 84 telefonoan elkartearekin harremanetan jarriz.
