Donostiarrak lortu du gorengo mailara igotzea
Bermeon eta Portugaleten jokatu ditu Donostiarrak play offeko estropadak, talde hauekin batera: Santurtzi, Samertolameu, Ares eta Puebla. Bi egunetan Santurtzi geratu da lehenengo postuan, eta Donostiarra bigarrenean, bi segundoko tartera iritsi gabe. Hala bada, bi talde horiek lortu dute igoera.
Jai ederra egin zuten atzo Donostiarrakoek, etxera bueltan. Konstituzio plazan jendetza zuten zain, eta udal eraikineko balkoietatik astindu zituzte aurten lortutako bandera guztiak.
Denboraldi bikainaren ostean, bukaerarik onena izan du Donostiarrak, TKE mailarako igoera lortuta. Asteburuan jokatu du igoerako play offa Igor Makazagaren taldeak, eta lan ederra eginda, datorren denboraldian lehen aldiz arituko da gizonezkoen arraunaren gorengo mailan.