Udazkeneko jaialdia egingo dute Firestone Lantegi Berreskuratuan
Firestoneren eraikinean egindako horma irudietako bat. (Argazkia: Estitxu Zabala) 
Larunbatean, hilaren 14an, Añorgako Firestone Lantegi Berreskuratuak Udazkeneko jaialdia egingo du. Elikadura burujabetzaren egunarekin bat egingo dute, eta eguerditik aurrera hainbat jarduera egingo dituzte Fireseko okindegiak antolatuta.
Fermentazioaren tailerra egingo dute 12:00etan, bazkari goxoa 14:00etan, elikadura burujabetzaren proiektuen berri emango dute 16:00etan, eta Fireseko antzerki taldeak Famelica antzezlana eskainiko du. Ondoren, askaria eta jam session-a egingo dute.
