Bi diskotekatako bezeroei PCR probak egingo dizkiete
Eusko Jaurlaritzako Osasun sailak jakinarazi duenez, hilaren 14an, 15ean eta 16an Komplot eta Tropical Disco diskotekatan egon ziren pertsonek PCR proba egin beharko dute. Egun horietan bi establezimenduetako batean egon direnek hitzordua eskatu behar dute proba egiteko, 943 00 79 09 telefonoan.
Gaur hasi dira probak egiten, Donostia Ospitaleko aparkalekuaren aurrean. Joaten direnek autoz eta maskararekin joan beharko dute. Osasun sailak “lasaitasun” mezua helarazi du, eta “horrelako neurriak prebentziozkoak baino ez” direla azpimarratu du, “ahalik eta lasterren transmisioa atzemateko eta kutsatze gehiago saihesteko”.
