'Mestizajeak: Zientzia, Arte eta Literaturari buruzko IV. Nazioarteko Topaketa'
(Argazkia: Mestizaje topaketak) Mestizajeak: Zientzia, Arte eta Literaturari buruzko IV. Nazioarteko Topaketa egingo da Tabakaleran azaroaren 22tik 24ra bitartean. “Edertasuna” zientzia, artea eta literaturaren ikuspegitik aztertuko dute diziplina arteko proposamen batetik. Hiru egunez, arratsaldero bi hitzaldi eskainiko dituzte 19:00etatik aurrera Kutxa Kultur-eko Ruiz Balerdi Aretoan, Tabakalerako 4. solairuan. Edukiera mugatua izango da eta aldez aurretik izena eman beharra dago webgunean, edo 943 251919 telefonora deituz. Topaketei buruzko informazio osagarria topaketen webgunean ikus daiteke. Ekimena Donostiako International Physics Centerrek eta Zientzia eta Teknologiarako Espainiako Fundazioak elkarlanean antolatzen dute.
