Uliako Landare Truke Azoka Txikia
Uliako Lore Baratzak taldeak V. Landare Truke Azoka Txikia egingo du igandean. “Bakoitzak etxetik landareren bat ekartzen du, eta beste partaideren batekin trukea egiten du, eta hala, bizi berri bat izaten dute landareek etxe eta jabe berri batean”, azaldu dute. Uliako Mintegietako negutegian izango da azoka, 11:30etik aurrera. Landareen zaleentzako jarduera bikaina da, baina baita landareak bizirik mantentzea kostatzen zaienentzat, ikasi eta zaintza aholkuak partekatzen baitira.
