Euskadiko Mugikortasun eta Logistika Klusterraren ordezkaritza baten bisita Dbusen
Dbusek Euskadiko Mugikortasun eta Logistika Klusterraren ordezkaritza baten bisita hartu du bere instalazioetan. Gure lurraldean mugikortasun, logistika eta garraio teknologia adimendunetan lan egiten duten eragile nagusiek osatzen dute kluster hori. Bisitan, Eduardo Lasa erakundeko presidenteak eta Fernando Zubillaga erakundeko zuzendari gerenteak Konpainiak parte hartzen duen proiektuak ezagutu ahal izan dituzte, eta Donostiako autobus flotan instalatutako […]
The post Euskadiko Mugikortasun eta Logistika Klusterraren ordezkaritza baten bisita Dbusen first appeared on DBUS DONOSTIA.
Dbusek Euskadiko Mugikortasun eta Logistika Klusterraren ordezkaritza baten bisita hartu du bere instalazioetan. Gure lurraldean mugikortasun, logistika eta garraio teknologia adimendunetan lan egiten duten eragile nagusiek osatzen dute kluster hori. Bisitan, Eduardo Lasa erakundeko presidenteak eta Fernando Zubillaga erakundeko zuzendari gerenteak Konpainiak parte hartzen duen proiektuak ezagutu ahal izan dituzte, eta Donostiako autobus flotan instalatutako azken aurrerapen teknologikoen xehetasunak ikusi, Javier Vallejo Dbuseko zuzendari ondokoaren eskutik.
Ordezkaritzak azken urteotan Dbusen ezarritako azken berrikuntza teknologikoak ezagutu ditu, hala nola autobusen okupazioak kontrolatzeko sistema eta eskaria iragartzeko sistema. Era berean, ustiapenean laguntzeko SAE sistemaren eta Dbuseko ticketing sistemaren funtzionamendua ikusi ahal izan dute, batez ere QR kodeekin eta kontakturik gabeko banku txartelekin zein gailu mugikorrekin ordaintzeko sistema; geltokiak sentsorizatzeko sistema, geltokiko erabiltzaileen zenbaketaren kontrol ia zehatza egitea ahalbidetzen duena, eskaera aurreikustea ahalbidetuta; edo Konpainiako autobusetako bidaiarien jatorria-helmuga matrizea, big datan oinarrituta. Azkenik, Smart-Klima sistemarekiko interesa agertu dute. Autobusen klimatizazio sistema monitorizatzeko eta bere funtzionamendua hobetzeko balio du sistema horrek.
Konpainia buru-belarri gauzatzen ari den eta flota deskarbonizatu eta 0 emisioko flota bihurtzea ahalbidetuko dien elektrifikazio proiektua ezagutu dute. Era berean, ibilgailu elektrikoak kargatzeko prozesuak optimizatzeko proiektua ezagutu ahal izan dute. Horretaz aparte, ordezkaritzak Kotxetegietako azpiegitura osoa berritzeko egiten ari diren eta konpainiak etorkizunean izango duen flota %100 elektrikoa hornitzea ahalbidetuko duten lanen aurrerapena ikusi ahal izan dute.
Era berean, bi erakundeek etorkizunean sinergiak izatea eta mugikortasunaren sektorean hobekuntzak egitea ahalbidetuko dieten Europako proiektu berritzaileetan lankidetzan aritzerik izango duten aztertu dute.
The post Euskadiko Mugikortasun eta Logistika Klusterraren ordezkaritza baten bisita Dbusen first appeared on DBUS DONOSTIA.
