Espaloiaren beharra, agerian
Hainbat herritarrek ekimen bat burutu zuten igande eguerdian kaxkotik kanpinerako bidean. Ekimenaren helburua izan zen zati horretan sortzen diren arrisku egoerak agerian uztea eta espaloiaren beharra aldarrikatzea. Halaxe adierazi dute Herri Kontseilutik: «Urteak daramatzagu Igeldoko herritarrok kaxkotik kanpinerako tartean espaloiaren beharra aldarrikatzen. Eta orain arte Donostiako Udalak ez die jaramonik egin Herri Kontseiluak eginiko eskaerei. Azken aldian Igeldon izaten den jende uholdea dela eta, are eta beharrezkoago ikusten dugu espaloia egitea. Oso egoera arriskutsuak sortzen dira askotan. Izan ere, aldi berean pilatzen dira errepidean oinezkoak, bizikletak, kotxeak, autobusak, autokarabanak... Udalak lehenbailehen gaiari heltzea nahi dugu eta eskaera historiko honi behingoz erantzutea».