Igeldoko eskola txikiko taldea, igandean, Oindin. (Argazkia: Amaia Agirre)
Zubietako eskola txikiko taldea, larunbatean, Zubietamendin. (Argazkia: Irene Illarramendi)
Eskola Txikien jaiak 25 urte beteko ditu ekainean, eta hori ospatzeko, 26 eskola txikitako ume, guraso, irakasle zein herrikideek Euskal Herriko 25 tontor jendez bete dituzte asteburuan. Kandela gisa, tontor bakoitzean herriaren izenarekin eta eskola txikien logoarekin argazkia egin zuten. Aldarrikapenaz gain, lagun arteko egun pasa polita igarotzea helburu zuten. Hasieran Andatza igotzeko plana egin arren, ume txikientzat gehiegizkoa izango zelakoan, zubietarrak Zubietamendin gora eta behera ibili ziren, larunbatean. Igeldotarrek, aldiz, igandea aukeratu zuten Oindira igotzeko. Eguraldi ona lagun, historiaurreko aztarnak ere ikusi zituzten.