Patinaje ikastaroa egingo dute Zubietan
Azken bi urteetan egin bezala, patinaje ikastaroa antolatu du Zubieta Lantzen ekimenak, auzoko frontoian. Izen ematea zabalik dago zubietalantzen@gmail.com helbide elektronikoan eta gehienezko ikasle kopurua ezarri dute: 20 heldu eta 15 haur. Beraz, izena ematen lehenek lortuko dute ikastaroa egiteko aukera. Antolatzaileen arabera, patinatzen ikasteko edo jakin arren maila hobetzeko ikastaroa izango da. Helduek 10 euro ordaindu beharko dute eta haurrek, berriz, 5 euro; bestetik, familia osoarentzat izena eman ezkero, 25 euroko gastua izango du. Hori bai, Ikasle bakoitzak eraman beharko ditu bere patinak, kaskoa eta babesak. Abenduaren 11ean eta 12an izango da ikastaroa, 9:00etatik 11:00etara.
