Karaokea antolatu du Azkue Fundazioak Santo Tomas egunerako
Azkue Fundazioak Xaramela izeneko herri karaokea antolatu du Donostia eta Bilboko Santo Tomas egunetarako. Bertan, ‘Guk euskaraz’ abestiaren bertsio berria abesteko aukera izango du nahi duen edonork. Urkoren abesti originala moldatu du Etxe abeslariak eta horixe izango da karaokeko protagonista. Eguna iritsi bitartean, herritarrek bertsio berria entzun eta ikasi ahal izateko, bideo-klipa jarri du Azkuek Youtuben.
Donostiako ekitaldia Bulebarreko kioskoan izango da (14:00) eta Joxe Felipe Auzmendi aurkezleak gidatuko du. Gainera, Urko kantariak berak parte hartuko du karaokean.
