Zubietako errauste plantari bidea eman diote

Irutxuloko Hitza

2011/02/18

Zubietako errauste planta nork eraikiko duen erabaki du Gipuzkoako Hondakinen Partzuergoak, gaur goizean. Zehazki, FCC, Zerbirtzu Elkartea, Murias, Altuna y Uria eta AE&E Inova enpresen arteko aliantza izango da errauskailuaren ardura izango duena. Bitartean, Zubietako bizilagunek errauskailuaren aurkako protestekin aurrera jarraitzeko asmoa dute. Hala, martxoaren 20an, Zubietan 2000 lagun elkartu nahi dituzte erraustegiaren kontra dantzatzeko, Flash mob bat osatuz. Dagoeneko entseguak egiten hasi dira, astelehenero, 17:00etan eta ostiralero, 19:30ean, frontoian edo Kaxkapen. Bihar, berriz, Antiguako frontoian elkartuko dira, 12:00etan. Gainera, entsegu baten bideoa zintzilikatu dute Zubieta Lantzen webgunean. Hona hemen abestiaren hitzak:

Hartu nahi dut arnas

Oh-oh-oh-oh-oooh! hartu nahi dut arnas (bis) Ederra ah aaah! Broma broma da ba kontainer aurrean hartzazu ba arnas (bis) Plastikoa dut sudur zulotan, papel albala berriz enpastetan, begietan, ke beltza begietan Ez nau halare itsutuko, atez ate bilatu ta azkenean ikusi det, argiya ikusi det. Lanean nahi zaitut, etxean behar zaitut, zero zabor, nire arnas… Orain bai ongi alde ederrean guztiok batera hartuaz arnas oh oh oh… Orain bai ongi alde ederrean guztiok batera hartuaz arnas Oh-oh-oooh-oh-oh! hartu nahi dut arnas (bis) Ederra ah ah-aaah! broma broma da ba kontainer aurrean hartzazu ba arnas Ua ua ua… Iritsi da, hau da momentua, elkar gaitezen, berandu baino lehen, iritsi da, hau da momentua, erabaki, ez pasatzen utzi, ez pasatzen utzi, berandu baino lehen, hartu nahi dut arnas, hartu nahi dut arnas Oh-oh-oh-oh-oooh! hartu nahi dut arnas (bis) Orain bai ongi alde ederrean guztiok batera hartuaz arnas oh oh oh oh orain bai ongi alde ederrean guztiok batera hartuaz arnas Oh-oh-oooh-oh-oh! hartu nahi dut arnas (bis) Ederra ah ah-aaah! broma broma da ba Gipuzkoa garbi, errausketarik EZ!