Bi donostiarrek itxialdia hasi dute Izpuran, beste sei gazterekin batera
Iazko urrian Segi erakundearen aurka Espainiako Poliziak egindako operaziotik ihes egin zuten zortzi gaztek. Gaur goizean, Izpuran (Nafarroa Beherea) itxialdia hasi dutela jakinarazteko prentsaurrekoa eman dute eta ehunen bat gazte egon dira haien ondoan. Itxialdia hasi dutenen artean, Jazint Ramirez Cruz eta Xalbador Ramirez Cruz anai donostiarrak daude.
Euren kontrako euroagindu eskaera dela-eta, Frantziako Poliziak atxilotu eta Paueko epaitegiak Espainiaratzeko arriskuaren aurrean, eragileei eta herritarrei babesa eskatu diete gazteek.
