Apirilaren 1ean hasiko da pilota hotsa Añorgan
Jolas Etxea LVII. Esku Pilota Txapelketa abiatuko da datorren apirilaren 1ean. Añorga Kultur eta Kirol Elkartearen asmoa txapelketak garai batean zuen ospea berreskuratzea da eta horretarako lanean ari dira antolatzaileak.
Bost lurraldeetako pilotariak arituko dira lehian, 6 kategoriatan banaturik. Gainera, aurtean, goi mailako kategoria ere izango du txapelketak. Bertan, gaur egun afizionatuetan diharduten pilotariek jokatuko dute. Partida horiek igande eguerditan jokatuko dituzte.
