Saskibaloi teknifikazio saioak antolatu ditu Añorga KKEk
Añorga Kultur eta Kirol Elkarteak saskibaloi teknifikazio saioak antolatu ditu, hirugarren urtez. Aurreko urteetan bezala, Benta Berriko kiroldegian egingo dituzte saioak, Aste Santuan: apirilak 26, 27, 28, 29 eta 30ean (9:30-13:30). Aurreko ekitaldietan, 35 haur inguruk parte hartu dute eta aurten ere beste hainbeste biltzea da helburua.
Zehazki, 1998-2001 urteen artean jaiotako neska-mutilei zuzendua dago. Batetik, saskibaloiko alderdi desberdinak lantzen saiatuko dira eta bestetik, txapelketa desberdinak burutuko dituzte. Informazio gehiagorako: 943-36 37 91 telefonoan edo e-posta bidez, idazkaritza@anorgakke.org.
