Igoera fasean parte hartuko du EHU Ibaetak
Emakumezkoen Bigarren Mailan, Canoeren aurka jokatu zuen EHU Ibaetak Liga erregularreko azken partida eta 39-74 irabazi zuen. Garaipenari esker, bere multzoko txapelduna izan da Azu Muguruzaren taldea eta igoera fasean parte hartuko du. Apirilaren 28a eta maiatzaren 1a bitartean jokatuko dute eta dagoeneko egin dute zozketa. Apirilaren 28an, 16:00etan, Estudiantesen aurka jokatuko du. Apirilaren 29an, berriz, 12:00etan, Burgosen aurka eta hurrengo egunean, 16:00etan, ADBAren aurka. Kirol igoera lortzen badu ere, ezingo du benetako igoera lortu. Izan ere, taldearen egoera ekonomikoa larria da eta babesle nagusirik gabe dago.
