Emakumeen aldarrikapenak kalez kale
Auzo batetik bestera dabiltzan ibilgailu iragarleak dira alderdien aldarrikapenak ezagutzeko beste bitarteko bat. Plazandreok taldeak kalez kale dabilen autoa atondu du kartelekin. Bozgorailutik entzun daitezkeen aldarrikapenak, hala nola, Ibaetaraino heldu dira gaur. PPko hautagaiek Zuzenbide fakultatearen aurrean egin duten agerraldiarekin topo egin du. Plazandreok, bestalde, ostiralean, 19:00etan egingo du ekitaldi nagusia Bulebarrean. Juana Aranguren alkategaiak eta Axun Urbieta batzar nagusietarako hautagaiak euren proposamenak aurkeztuko dituzte. Zuzeneko musika, DJ baten musika eta beste hainbat sorpresa iragarri dituzte.
