Radix Records festa, Mogambon
Larunbatean, Mogambo aretoan Radix Records festa egingo dute. Galiziako zigilu txiki bat da Radix. Duela urte eta erdi sortu zuten. Rock eta metal taldeei autoekoizpenak argitaratzen lagundu diete. Hom, Pulsar, The Happiness Project eta Donostiako Madeleine taldeari, besteren artean.
Galiziako zigiluari esker ona adierazteko jaialdia egitea pentsatu dute. Lau talde izango dira zuzenean jotzen: Madeleine, Hom, Pulsar eta Bilboko Meido. Sarrera 5 eurotan izango da salgai. 21:30etan hasiko da kontzertua.
