Espainiako Kopa irabazi du Ekaitz Saiesek
Lesioa atzean utzita, Ekaitz Saies piraguista indartsu dabil aurtengo denboraldian. Martxoan, Portugaleko nazioarteko txapelketan lan bikaina egin ostean, urrezko domina berri bat lortu du. Izan ere, irabazlea izan zen atzo jokatutako Espainiako Kopako finalean, 200 metroetan. Hala, ekainean jokatuko duten Europako txapelketarako txartela lortu du. Gainera, Saiesek berak entrenatzen duen Begoña Lazkano jubenilak ere urrezko domina eskuratu du bere kategorian.
