Zurriolako uretan desagertutako gaztearen bila jarraitzen dute
18 urteko gazte herbeherear bat Zurriolako uretan desagertu zen atzo arratsaldean. Donostian oporrak pasatzera iritsi zen igandean, beste hiru lagunekin batera. Lau gazteek Zurriolan bainu bat hartzea erabaki zuten, baina korronteak bultzatuta, uretatik ateratzeko arazoak izan zituzten. Azkenean, bik onik ateratzea lortu zuten, eta beste batek surfali baten laguntza jaso zuen. Laugarrena, ordea, desagertu egin zen, eta Gurutze Gorriko kideak bere bila aritu ziren arren, ez zuten aurkitu. Gaur goizean bilaketarekin jarraitzen ari dira.
