Txoriak, ikusleen zelatan
Alberto Saavedrak apaindu du aurten ere Antzoki Zaharra. BELDURREZKO ASTEA
Antzoki Zaharra Beldurrezko Astearen zaleei harrera egiteko prest dago. Alberto Saavedra artista donostiarrak ataria apaindu du beste behin. Suspensearen maisuari, Alfred Hitchcock-i eskaini dio aurtengo obra. ‘Birds’ filmeko txori beldurgarri eta misteriotsuak jarri ditu eraikinaren balkoian; ikusleen zelatan. Txoriak ez ezik, zonbiak ere ibiliko dira paseoan Parte Zaharrean zehar. Eta pantaila handian are gehiago: banpiroak, gizotsoak, munstroak, serieko hiltzaileak… Horiek guztiak behintzat zinema aretoan geratuko dira. Bihar larunbata eta azaroaren 4a arte iraungo du 22. ekitaldiaren programazioak.
