Zazpi egun zientifiko
Zientzia herritarrei gerturatzeko hamaika ekimen antolatu ditu Euskal Herriko Unibertsitateak. Ohiko karpaz gain, Eskola Politeknikoan bertako ikasleen proiektuekin osatutako erakusketa ere prestatu dute.
Ostegunean Zientziaren Nazioarteko Eguna ospatuko dute. Horren harira, gizartearen eta zientzia nahiz teknologiaren artean zubia eraikitzeko asmoz, hainbat ekimen izango dira hirian. Gehin bat eskola umeen artean jakintza alor horiekiko zaletasuna sustatu nahi bada ere, jada, horren aldeko apustua egin duten ikasleak ere aintzat hartu dituzte aurten. Hala, EHUko Informatika Fakultatea eta Unibertsitate Eskola Politeknikoak bi jarduera berezi jarri dituzte abian gaur. Informatika fakultatean, hainbat adituk oihartzun handiko gaietan sakonduko dute, asteazkena arte: Belaunaldi berriko sareak, teknologia berriei lotutako osasun arlorko beharrak eta polikak edota robotikak hezkuntzan izan dezakeen erabilera aztertuko dute. Robotek zeresan handia dute, halaber, Eskola Politeknikoak prestatutako erakusketan. Izan ere, ikusgai dauden zortzi proiektuetatik hiru lego piezekin egindako makinatxoak baitira. Habilezia berezi bat du bakoitzak, eta hauetan deigarriena, gizaki askorentzan ezinezkoa den Rubik kuboa askatzeko gai dena. Hauetako baten egilea izateaz gain, Joseba Egia egiatarra da erakusketaren arduraduna. Eskolan irakasten diren sei karreretako lanen batekin osatu nahi izan du, baina denbora arazoengatik proiektu asko kanpoan gelditu behar izan dira. “Hemen gauden ikasleek gogoa daukagu proiektuak egiteko eta erakusteko”, argitu du Egiak. Horregatik, Eskola barruko Dinitek junior enpresak hitzarmena egin du Eureka museoarekin, beraien proiektuak bertan erakusteko datorren urtean. Oraingoz, Eskolaren harreran, informazio puntuan, ikusgai izango dira, asteazkena arte, 09:00etatik 19:00etara bitartean. Aipatu robotekin batera, arkitektura teknikoko ikasleek orain gutxi prestatu zuten Pribatutasunaren arkitekturak erakusketako hiru pieza deigarrienak ere badaude: Maison Planeix, Villa D’alba eta Fallingwater etxeen maketak, hain zuzen. Hala ere, lehen egunean ikasleen arreta gehien bereganatu duena, zalantzarik gabe, Kotodama motorra izan zen. Elektronika, mekanika eta elektrizitate karreretako hainbat ikaslek Motostudent lehiaketara prestatu zuten proeitua. Pieza gutxi batzuk emanda gainontzekoa egin behar izan zuten. Txapelketan laugarrenak izan baziren ere, bisitarien artean garaile izan dira. Ikusgarriena izateaz gain, Egiaren ustez, beste proiektu mota baten erakusgarri ere bada, “ikasle bakoitzak egindako proiektua beste handiago baten parte izanik, zerbait handiagoa egin daitekeela”.
Ostegunean Zientziaren Nazioarteko Eguna ospatuko dute. Horren harira, gizartearen eta zientzia nahiz teknologiaren artean zubia eraikitzeko asmoz, hainbat ekimen izango dira hirian. Gehin bat eskola umeen artean jakintza alor horiekiko zaletasuna sustatu nahi bada ere, jada, horren aldeko apustua egin duten ikasleak ere aintzat hartu dituzte aurten. Hala, EHUko Informatika Fakultatea eta Unibertsitate Eskola Politeknikoak bi jarduera berezi jarri dituzte abian gaur. Informatika fakultatean, hainbat adituk oihartzun handiko gaietan sakonduko dute, asteazkena arte: Belaunaldi berriko sareak, teknologia berriei lotutako osasun arlorko beharrak eta polikak edota robotikak hezkuntzan izan dezakeen erabilera aztertuko dute. Robotek zeresan handia dute, halaber, Eskola Politeknikoak prestatutako erakusketan. Izan ere, ikusgai dauden zortzi proiektuetatik hiru lego piezekin egindako makinatxoak baitira. Habilezia berezi bat du bakoitzak, eta hauetan deigarriena, gizaki askorentzan ezinezkoa den Rubik kuboa askatzeko gai dena. Hauetako baten egilea izateaz gain, Joseba Egia egiatarra da erakusketaren arduraduna. Eskolan irakasten diren sei karreretako lanen batekin osatu nahi izan du, baina denbora arazoengatik proiektu asko kanpoan gelditu behar izan dira. “Hemen gauden ikasleek gogoa daukagu proiektuak egiteko eta erakusteko”, argitu du Egiak. Horregatik, Eskola barruko Dinitek junior enpresak hitzarmena egin du Eureka museoarekin, beraien proiektuak bertan erakusteko datorren urtean. Oraingoz, Eskolaren harreran, informazio puntuan, ikusgai izango dira, asteazkena arte, 09:00etatik 19:00etara bitartean. Aipatu robotekin batera, arkitektura teknikoko ikasleek orain gutxi prestatu zuten Pribatutasunaren arkitekturak erakusketako hiru pieza deigarrienak ere badaude: Maison Planeix, Villa D’alba eta Fallingwater etxeen maketak, hain zuzen. Hala ere, lehen egunean ikasleen arreta gehien bereganatu duena, zalantzarik gabe, Kotodama motorra izan zen. Elektronika, mekanika eta elektrizitate karreretako hainbat ikaslek Motostudent lehiaketara prestatu zuten proeitua. Pieza gutxi batzuk emanda gainontzekoa egin behar izan zuten. Txapelketan laugarrenak izan baziren ere, bisitarien artean garaile izan dira. Ikusgarriena izateaz gain, Egiaren ustez, beste proiektu mota baten erakusgarri ere bada, “ikasle bakoitzak egindako proiektua beste handiago baten parte izanik, zerbait handiagoa egin daitekeela”.
Zientziaren karpa, berriro, Urdaneta kalean
EHUko fakultateek jarriko dituzten standez gain, ikuskizun zientifikoa eta ibilaldiak ere egingo dituzte Informatika fakultateak eta Eskola Politeknikoak antolatutako ekimenez gain, EHUk prestatutako Zientzia Astearen ekitaldi nagusia, beste behin, zientziaren karpa izango da. Zientziaren sokan gatibu lelopean, ostegunetik larunbatera arte irekita egongo den jakintza gunean, ez ukitzea debekatuta egongo da. Iaz Ibaetan izan ondoren, Urdaneta kalera –Correos eta Koldo Mitxelena Kulturunearen artean– itzuliko da aurten. Erizaintza, robotika, kimika, fisika, energia berriztagarriak… ordezkaturik izango dira 11 erakusmahaietan. Esperimentu eta jolasen bidez, bertaratzen direnek zientzia dibertigarria ere izan daitekeela jabetuko dira, jakintza berriak eskuratzearekin batera. Nagusiki, ikastetxeetako haurrek bisitatuko badute ere, karparen barneko ezagutza mundua hiritar guztiei zabalik egongo da, 09:30etik 20:00etara bitartean. Standez gain, larunbat arratsaldean, Josu Maeztu irakasleak pedagogia eta umorea uztartzen dituen ikuskizun zientifikoa eskainiko du euskaraz. Maeztuk eguneroko tresnak erabiliz esperimentu ikusgarriak egingo ditu. Geologia eta meteorologia Ekimen guztiak ez dira karpa barruan egingo, ordea. Hirian barrena ibiliz ere ikas daitekeela erakusteko, bi ibilaldi berezi antolatu dituzte. Ibilaldi geologikoan, hirian barrena egitean ikus daitezkeen harriei erreparatuko diete partaideek. Zer harri mota erabiltzen den gehien hiriko eraikinetan, zergatik, nondik datozen, nola sortzen diren… eta beste hainbat galderen erantzuna ezagutuko dute. Ostegunean, 15:30ean; ostiralean, 11:00etan eta larunbatean, 11:00etan egingo dute karpatik irtenda. Eguraldiaren nondik norakoak ezagutu eta airearen kalitatea aztertuko dute ere larunbat goizean, 09:30ean. Kutsadura atmosferikoari eta meteorologiari buruzko ordu erdiko hitzaldiaren ondoren, bisitariak, Igeldoko meteorologia zentrora joan, eta fenomeno metorologiko batzuen sorrera ezagutuko dute. Azkenik, Tolosa hiribidean dagoen airea kontrolatzeko estaziora joango dira, kutsaduraren neurketaren inguruan ikasteko. Ibilaldietan parte hartzea doakoa eta irekia da, baina www.zientzia-astea.org weborriren bidez izena ematea beharrezkoa da.
