Bruce Springsteenen kontzerturako sarrerak, ostiralean salgai
Ekainaren 2an joko du, Anoeta Estadioan; 83 eta 65 euro bitarteko txartelak izango dira eskuragarri
Azken astetako zurrumurruen ondoren, Get In promotorak Bruce Springsteen-en itzulera baieztatu zuen. The Boss Anoeta Estadioan izango da ekainaren 2an. Adi, beraz, zaleak. Ostiralean jarriko dituzte salgai sarrerak Ticketmaster-en bidez: Telefonoz, 902150025 zenbakian, eta sarean, Ticketmaster.es eta Doctormusic.com webguneetan. Sarrerak 83 eta 65 euro bitartean izango dira eskuragarri.
Lau urteren ondoren berriz ere itzuliko da Springsteen Anoeta Estadiora. 2012an lan berria kaleratuko du, eta munduko aurkezpen bira Sevillan hasiko da maiatzean. Ondoren, Bartzelonan izango da, eta handik Donostiara etorriko da.
