Egiako bitxi denda batean lapurreta egin dute
Karmengo Ama Birjinaren kalean lapurreta egin dute gaur eguerdian. Gizon bat atxilotu du Ertzaintzak. Bi gizon sartu dira bitxi dendan, eta jabea pistolaz mehatxatu dute. Lapurretako batek pistolaren giderraz jo du jabea, eta aurpegian zauritu dute.
Lapurreta egin dutenean bitxi dendaren jabea eta haren alaba ziren bertan. Lekuko batek Ertzaintzari deitu eta lapurretaren berri eman dio. Hain zuzen, bitxi dendatik ateratzen ari zirenean harrapatu ditu Ertzaintzak. Pistola zeraman lapurra atxilotzea lortu du, besteak, ordea, ihes egitea lortu du, eta bere bila ari dira.
