Itsasoz iritsiko dira Errege Magoak
Elefante gainean heldu ziren iaz. Aurten, ordea, itsasoz hiritsiko dira. Meltxor, Gaspar eta Baltasar ostegunean etorriko dira Kaira, eguerdi aldean. Arratsaldeko 15:30etik 17:30etara udaletxean izango dira, eta bertara gerturatuko diren haurren gutunak jasoko dituzte.
Kabalgata 18:00etan abiatuko da Ijentea kaletik eta Erdialdeko kaleetan zehar ibiliko da: Hernani, Andia, Miramar, Urbieta, Prim, Bergara, Idiakez, Gipuzkoa plaza, Legazpi eta Bulebarra. Guztira mila kilo goxoki banatuko dituzte. Diabetikoak diren haurrek udal batzarren aretoaren harreran izango dituzte goxokiak.
