Fuel Fandangoren funk, rock eta elektronika erritmoak Dokara iritsiko dira hurrengo astean
Ale Acostak eta Nitak osatzen dute Fuel Fandango musika taldea. Rock, flamenko, funk doinuak nahasten dituzte, eta betiere, publikoa dantzan jartzeko koktela lortzen dute. Acostak Enrique Morente, Chambao eta Concha Buikarekin lan egin du, eta 2004an Mojo Project esperimentua jarri zuen abian. Nita Kordobako abeslari gaztea da. Kopla eta flamenkoaren munduan hasi zen abesten, eta pixkanaka soul, funk eta elektronika proiektuetan ere murgildu da.
Fuel Fandango lehen diskoaren aurkezpen bira egiten ari da, eta Donostian izango dira hurrengo ostiralean, otsailaren 3an. Antiguako Doka aretoan joko du bikoteak.
