Guztien gozamenerako dator

Estitxu Zabala

2012/01/27

dFeriak berrikuntzak izango ditu; lehen aldiz, Intxaurrondoko kultur etxea agertoki gisa erabiliko dute

dFeriako antolatzaileak eta Ekain Olaizola -kartelaren egilea, eskuinetik laugarrena-, atzoko aurkezpenean. (Argazkia: Estitxu Zabala)

Iristear da aurten ere dFeria jaialdia; hemengo eta hango antzerki eta dantza konpainien erakusleiho bikaina. Horren lekuko da, sei hilabeteko tartean, 318 emanaldi saltzea lortu zutela iazko partaideek. XVIII. jaialdia martxoaren 12tik 15era izango da, eta lau egun horietan 22 emanaldiz gozatzeko aukera izango dute ikusleek, 21 talderen eskutik. Gainera, tartean hainbat estreinaldi egongo dira, Olatz de Andres koreografo donostiarraren Privolva, esaterako. Jaialdiak azken urteetako bideari jarraituko dio, eta ondorioz, parte hartuko duten taldeen erdia baino gehiago, euskal konpainiak izango dira. Horietaz gain, ordea, nazioarteko taldeak ere izango dira, Portugaletik edo Italiatik etorriak, besteak beste. Agertokien artean berrikuntza Intxaurrondo kultur etxea izango da; aurten lehen aldiz erabiliko baitute, duela hilabete gutxi zabaldutako gunea. Bestetik, Viktoria Eugenia antzokian eta Klub aretoan, Egiako Gazteszenan, Antzoki Zaharrean eta Lugaritzen egongo dira emankizunak. Lau ezaugarri Krisiak krisi, iaz lortutako 200.000 euroko aurrekontua mantentzea lortu du antolakuntzak. Finean, aurtengo jaialdiari lau ezaugarri eman dizkio Norka Chiapuso zuzendariak: Estreinaldiz josia, formatuz handiagoa, konprometitua sortzaile eta edukiekin, eta ezustekoz betea. dFeria (martxoak 12-15) Egitaraua:

Martxoak 12. -16:15: Ubera Gorriak (Kabia), Intxaurrondo kultur etxean. -18:00: Rosmersholm (Gm G. Waddington), Gazteszenan. -20:30: Cantica II (Studio Emiliano Pellisari), Viktoria Eugenian. -23:00: Itzulera (Factoria de fuegos), Antzoki Zaharrean. Estreinaldia.
Martxoak 13. -10:00: Ali Baba eta 40 lapurrak (Borobil Teatroa), Lugaritzen. Estreinaldia gazteleraz. -11:30: Privolva (Olatz de Andres), Intxaurrondo kultur etxean. -13:00: Tempus, -I (Anakrusa), Gazteszenan. Estreinaldia. -18:00: Agosto, cuadros de amor y humor fresco (Metamorfosis Producciones Teatrales), Antzoki Zaharrean. Estreinaldia. -20:00: Contra el viento del norte (Tanttaka), Viktoria Eugenian. -23:00: Animals party (El Punto! Danza Teatro), Viktoria Eugenia Klubean. Estreinaldia Donostian.
Martxoak 14. -10:00+11:30 (Euskaraz): Sialuken bidaia (La Osita Parda, Compañia en la Lona), Lugaritzen. Estreinaldia gazteleraz. -11:30: Materia viva (La Instalacion Yanila Uzorkis), Intxaurrondo kultur etxean. -13:00: In corpore sano (Organik dantza-antzerkia), Gazteszenan. Estreinaldia. -18:00: Jose K torturado (Studio Teatro), Antzoki Zaharrean. Estreinaldia Donostian. -20:00: Tio Vania (Lom Imprebis), Viktoria Eugenian. Estreinaldia Donostian. -23:00: Aqui va a pasar algo (Zanguango Teatro), Viktoria Eugenia Klubean. pMartxoak 15. -10:00: Ninika (Elirale Konpainia), Lugaritzen. -11:30: Instrumento de cuerdas (La Instalacion Yamila Uzorkis), Intxaurrondo kultur etxean. -13:00+20:00 (Euskaraz): ACT of god (Ertza), Gazteszenan. -18:00: Estres por tres (La Barca Teatro), Viktoria Eugenian. Estreinaldia Donostian. -20:00: Arte-an (Dantzaz Konpainia), Viktoria Eugenian. -23:00: La lechuga (GluGlu), Antzoki Zaharrean.

Sarrerak:

Lugaritzerako. 3,5 euro.
Gainontzeko antzokietarako. Gaurtik otsailaren 12ra, 5 euro; otsailaren 13tik 26ra, 10 euro; otsailaren 27tik martxoaren 11ra, 15 euro; eta DFeriak irauten duen bitartean, 15 euro, baina Viktoria Eugeniako saioetarako, 20 euro.
Salmenta puntuak. Antzoki Zaharreko eta Viktoria Eugeniako leihatilak; Servikutxa, kutxasarrerak.net eta Telekutxa (943-411 200).
Ordu Gaztea. Ikuskizuna hasi aurreko 30 minutuetan, sarrerak 3 eurotara egongo dira, 30 urtetik beherakoentzat.