Bi urteko espetxe zigorra jarri diote emakume bati, senarrari labankada bat emateagatik
Emakumezko bati bi urteko kartzela zigorra ezarri diote, senarri bizkarretik laban bat sartzeagatik. Donostian gertatu zen erasoa, 2011ko maiatzaren 16an. Epaiaren arabera, emakumezkoaren erasoak hiru zentimetroko zauria eragin zion gizonari, eta hamar egun behar izan zituen sendatzeko. Erasoaren unean emakumezkoak “antsitate handia eta ezaugarri kliniko depresiboak” zituen, epaian jaso dutenez. Erasotzaileak ezin izango du bi urteren epean senarrarekin harremanetan jarri.
