Presoen aldeko mobilizazioak egingo dituzte hilaren 24ean
Martuteneko 27 Industrialdeko biribilgunean eta Donostia Ospitalean elkartuko dira
Preso eta iheslarien eskubideen aldeko mobilizazio eguna izango da otsailaren 24a, eta mobilizaziora deitu dute. Otsailaren 24ean, LABek deituta, 12:30etik 13:00-etara, elkarretaratzea egingo dute Martuteneko 27 Industrialdeko sarrerako biribilgunean.
Bestalde, gaixotasun larriak dituzten presoek kalean egon beharko luketela aldarrikatzeko, ospitaleen aurrean elkarretaratzeak egingo dituzte hileko azken ostiralaren harira. 12:00etan izango da protesta Donostia Ospitalearen aurrean. Parte Zaharrean, ohi bezala, 20:00etan aterako dira protestan.
