Kutxa Ekoguneak iraunkortasunari buruzko jardunaldiak antolatu ditu
Partaideek adituekin solasteko aukera izango dute ostiralean eta larunbatean egingo diren saioetan.
Kutxa Ekoguneak antolatuta, Hitzetatik ekintzetara jardunaldi aktiboak egingo dituzte, etzi eta larunbatean, Andia kaleko Kutxa aretoan, Aquariumen, San Telmo Museoan eta Dr. Camino liburutegian. Ekimen eta esperientzia iraunkorrak ezagutzeaz gain, partaideek, uraren kudeaketa, hirigintza, energia, elikagai subiranotasuna, kontsumo arduratsua edota giza ekonomiari buruz hausnartu ahal izango dute alor hauetako adituekin. Parte hartu nahi dutenek bihar arte dute izena emateko. Horretarako, 616070531 telefono zenbakira deitu edo www.ekoliderrak.net webgunea erabili behar dute. Bertan, jardunaldien buruzko informazioa eta egitarau zehaztua ere aurki daitezke.
