Altzako Omar Gredilla eta bere lagunak izan dira derbirako sarrerak eskuratzen lehenak Anoetan
Guztiek lortu nahi izan dituzte igandean Realak eta Athleticek San Mamesen jokatuko duten derbirako sarrerak, baina 200 sarrera baino ez dituzte salgai jarri. Altzako Omar Gredilla eta bere lagunak izan dira ilarako lehenak; eurek erosi dituzte leihatilan banatutako lehen sarrerak.
Ikusmin handia sortu du derbiak. Izan ere, atzo, 15:00etan, ilara egiten hasi ziren zaleak. Horrenbestez, zenbait realzale hemezortzi ordu egon dira sarrera bat eskuratzeko helburuarekin. Gaua Anoetan bertan pasa dute. Eskerrak eguraldia lagun izan duten. 
