Jazzaldirako zein kartel gustatzen zaizu gehien?
Gaur Jazzaldiaren irudia izango den kartelaren aldeko botoa emateko epea hasi da. Martxoaren 13ko 17:00ak arte izango du jendeak gustukoen duen kartelaren aldeko botoa emateko. Guztira 1.333 kartel jaso ditu musika jaialdiak. Hogei kartel finalista izango dira. Hamar publikoak hautatuko ditu (gaur hasi den bozkatzearen bidez) eta beste hamar jaialdiaren antolakuntzak. Botoa ematen dutenen artean Trinitate plazarako bi abonamendu eta jaialdiaren hotel ofizialen batean bi pertsonentzako egonaldia zozkatuko dira.
