ESK sindikatuak aldarrikapena egin du Emakumearen Nazioarteko Egunean
Arratsaldean Donostiako Koordinadora Feministak deitutako manifestazioarekin ere bat egin du.
ESK sindikatuak elkarretaratzea egin du Emakumearen Nazioarteko Egunarekin bat egiteko asmoz Donostiako Bulebarrean, Bretxa parean. Langileen ordezkariek borroka feministaren aldeko leloak izan dituzte ahoan ia ordu erdi iraun duen ekimenean.
Sindikatuak donostiarren artean banatu duen esku-orrian, krisian “emakumeek jasaten dituzten desberdintasun egoera bereziak” bazterrean uzten dituela adierazi dute. Bestalde, 19:30ean Bulebarretik irtengo den manifestazioarekiko atxikipena erakutsi dute, eta bertan parte hartzeko eskatu dute. Donostiako Koordinadora feministak deitu du arratsaldeko mobilizazioa, eta ESK-k ez ezik, beste sindikatuek, udalak eta beste hainbat erakundek zein elkartek bere parte hartzea iragarri dute.
