ONCEren egoitzara bisita, iruditan

Mikel Goñi

2012/03/16

Easo Institutuko ikasleek begiak estalita eta kideen laguntzaz paseoan ibili dira ONCEren egoitzara egindako bisitan. (Argazkia: Mikel Goñi).

Urtean lau alditan, gutxi gora-behera, irekitzen dituzte Donostiako ONCE-ren ateak nahi duten taldeek bisita dezaten. Atzo eta gaur artean, 200 bat pertsona bertaratu dira. Gaur goizean, esaterako, Easo Institutuko ikasleak izan dira ikusmen arazoak dituzten pertsonen berri izaten. Bisitariak itsuen eta ikusmen urritasunak dituzten pertsonen tokian jarri dira, minutu batzuetarako. Hala, lagunduta baina ezer ikusi gabe, errepideak gurutzatzean zer sentitzen den nabaritu dute. Jolas, zinema eta irakurketa egokitua ere zertan diren ezagutu dute.

: Juanjo San Sebastian errehabilitazio teknikariak irakurketarako tresna laguntzaileak erakutsi dizkie bisitariei. (Argazkia: Mikel Goñi)

: Begiak estalita, zebrabideen arriskuez jabetu dira bisitariak. (Argazkia: Mikel Goñi)

: Ordenagailuak eta soinu grabagailuak oso lagungarriak zaizkie ikusmen arazoak dituztenei. (Argazkia: Mikel Goñi)

: Egokitutako kartak ere badituzte ikusmen urria duten pertsonak, batzuk oso handiak eta beste batzuk Braille zeinuekin. (Argazkia: Mikel Goñi)

: Itsuek zineman duten esperientzia sentitzeko begiak itxita ikusi dute film baten tartetxoa. (Argazkia: Mikel Goñi)

: Partxis jokoko fitxak bereizteko, kolorea ez ezik, forma ere erabiltzen dute itsuek. (Argazkia: Mikel Goñi)

: Goal Ball itsu eta ikusmen arazoak dituzten pertsonentzako kirola da. (Argazkia: Mikel Goñi)

: Hatz puntekin nabaritutako zeinuen bidez irakurtzen da Braille sistema. (Argazkia: Mikel Goñi)

: Ikusmen zailtasunak dituzten haurren liburu egokituak ere ikusi dituzte Easo Institutuko ikasleek. (Argazkia: Mikel Goñi)

: Ukimenerako erreliebea, kolore biziak eta letra handiak bateratzen dira, ahal dela, ONCEren argitalpenetan. (Argazkia: Mikel Goñi)

: Braille sisteman idazteko zeinuak eta makina ikusi dute. (Argazkia: Mikel Goñi)

: Braille sistemarekin idazteko makina tradizionala probatu dute bisitariek.

: Begiak estalita, eskailerak jaitsi dituzte. (Argazkia: Mikel Goñi)