Donostialdeko Askapenak Igeldon aurkeztuko ditu aurtengo brigadak
Askapena erakundearen Donostialdeko taldeak Igeldon egingo du aurtengo brigaden aurkezpena, larunbatean. Hala ere, beraien brigadetan parte hartzeko interesa duenak informazio gehiago jaso dezake Askapena.org webgunean. Besteak beste, Palestina, Sahara eta Latinoamerikako hainbat herrialdetara joango dira aurtengo brigadak.
Aurkezpena Igeldoko kultur etxean egingo dute hilaren 31n, 18:30ean. Brigadetan parte hartzeko izena emateko epea, berriz, igandean bukatuko dela iragarri du Askapenakek, beraz denbora gutxi izango dute interesdunek. Hori dela eta, informazio gehiago jasotzeko internet bidezko aukera eman dute.
Urte berezia da erakunde internazionalistarentzat, izan ere 25 urte beteko baititu 2012an. Denbora honetan herrien arteko elkartasuna Euskal Herritik bideratu dute. “Milaka lagun izan dira, munduko hainbat txokotara heldu direnak, Euskal Herria eraman eta munduko txoko bat euskal herriratu dutenak”.
