Gipuzkoako Aldundiak segurtasun arkuak kendu ditu bere eraikinetan
Larraitz Ugarte bozeramailea muturreko zaintza eta gizartea kontrolatzeko neurrien aurka agertu da
Bilduk Gipuzkoako Foru Aldundiaren eraikin guztietako segurtasun arkuak kendu ditu. Hala jakinarazi du gaur aldundiko bozeramaile Larraitz Ugartek. Aldundia muturreko zaintzaren eta gizarte kontrolatzeko neurrien aurka dagoela plazaratu du.
Prentsaren aurrean azaldu du duela bi aste hartutako erabakia izan dela. Ugartek esan duenaren arabera, eraikinen sarreratan dauden segurtasun agenteekin nahikoa dela egiaztatu dute. Segurtasun arkuak kentzeko neurri honen bidez hiritarrak erakundeengandik gertuago egotea nahi dutela azaldu du Ugartek.
