Hiriko dendetan euskararen erabilera neurtzeko diagnostikoa egingo dute
Zazpi auzotako 600 establezimendu bisitatuko dituzte apirilean
Donostiako Udaleko Euskara Zerbitzuak Merkatari.net egitasmo berria jarri du abian. Merkataritza, ostalaritza eta zerbitzu sektorean euskara sustatu nahi dute. Euskara zerbitzuak bi helburu lortu nahi ditu egitasmo honekin: Udalak euskara sustatzeko eskaintzen dituen baliabide eta zerbitzuen berri ematea batetik, eta bestetik, establezimenduen egoera soziolinguistikoa ezagutu eta hiriko merkatariek eta ostalariek dituzten hizkuntza premiak eta beharrak aurrez aurre jaso, zerbitzu hobea eskaini eta euskararen presentzia areagotzeko.
Udalak 600 establezimenduren egoera soziolinguistikoari buruzko informazioa jaso, hizkuntza beharrak aztertu eta diagnostikoa egingo du. Zazpi auzotako hamar kaletako dendak bisitatuko dituzte banan-banan. Parte Zaharrean, Fermin Calbeton; Grosen, Secundino Esnaola; Egian, Karmengo Andre Maria; Amaran, Antso Jakituna eta Madril hiribidean; Erdialdean, Garibai, Hondarribia eta Urbietan; Antiguan, Matian; eta Altzan, Larratxon.Datu eta eskaerak aztertu ostean, diagnostikoa ekaina bukaerarako amaitzeko asmoa dute.
